midomafia

أهلاً وسهلاً بالغلا............بقدومك نور المنتدى
مرحبا بك زائرنا الكريم يسرنا دعوتك للتسجيل معنا في احلى عالم ...عالم ميدو سجل استفيد واستمتع مع عالــم ميــدو

أحلى عالم ....عالم ميدو

اهلاً وسهلاً بك زائرنا الكريم زدت منتدانا نوراً وإشراقة يسعدنا ويشرفنا انضمامك معنا بالتسجيل في منتدانا المتواضع . تحية مباركة لأعضاء أحلى عالم ... عالم ميدو نرجو أن تكونوا في أتم الصحة والعافية ونتمنى لكم قضاء أسعد الأوقات في عالمنا الجميل ونرجو منكم وضع أفكاركم الإبداعية وآرائكم التطويرية وأجمل المواضيع وأرق الردود وأحلى المساهمات حتى نرتقي بمنتدانا المتواضع وتعم الفائدة والمتعة للجميع كما نعلمكم أنه سوف نعطي رتب ونعين مشرفين ومشرفات على حسب مساهماتكم وتفاعلكم وتواجدكم بالمنتدى .

    الابنودي ... يامنه

    شاطر

    تصويت

    اي مقطع احلى؟؟

    [ 0 ]
    0% [0%] 
    [ 0 ]
    0% [0%] 

    مجموع عدد الأصوات: 0
    avatar
    Nana
    مشرفة منتدى النقاش العام
    مشرفة منتدى النقاش العام

    عدد المساهمات : 192

    تاريخ التسجيل : 25/11/2009

    lo الابنودي ... يامنه

    مُساهمة من طرف Nana في السبت ديسمبر 26, 2009 12:08 am

    يامنه

    والله وشبت يا عبد الرُّحمان ..

    عجّزت يا واد .؟

    مُسْرَعْ؟

    ميتى وكيف؟

    عاد اللي يعجّز في بلاده

    غير اللي يعجز ضيف.!!

    هلكوك النسوان؟

    شفتك مرة في التلفزيون

    ومرة .. وروني صورتك في الجورنان

    قلت : كبر عبد الرحمان.!!

    أمال انا على كده مت بقى لي ميت حول.!!

    والله خايفة يا وليدي القعدة لتطول.

    مات الشيخ محمود

    وماتت فاطنة ابْ قنديل

    واتباع كرم ابْ غبّان

    وانا لسة حية..

    وباين حاحيا كمان وكمان.

    عشت كتير.

    عشت لحد ماشفتك عجّزت يا عبد الرحمان.

    وقالولي قال خَلَّفت

    وانت عجوز خلَّفت يا اخوي؟؟

    وبنات..!!؟

    أمال كنت بتعمل إيه

    طيلة العمر اللي فات؟

    دلوقت مافقت؟

    وجايبهم دِلْوكْ تعمل بيهم إيه؟

    على كلٍّ..

    أهي ريحة من ريحتك ع الأرض

    يونسُّوا بعض.

    ماشي يا عبد الرحمان.

    أهو عشنا وطلنا منك بصة وشمة.

    دلوك بس ما فكرت ف يامنة وقلت: يا عمة؟؟

    حبيبي انت يا عبد الرحمان

    والله حبيبي .. وتتحب.

    على قد ماسارقاك الغربة

    لكن ليك قلب.

    مش زي ولاد الكلب

    اللي نسيونا زمان







    حلوة مرتك وعويْلاتك

    والاّ شبهنا..؟

    سميتهم إيه؟

    قالولي : آية ونور.

    ماعارفشي تجيب لك حتة واد؟

    والاّ أقولك :

    يعني اللي جبناهم..

    نفعونا في الدنيا بإيه؟

    غيرشي الانسان مغرور.!!







    ولسه يامنة حاتعيش وحاتلبس

    لمّا جايب لي قطيفة وكستور؟

    كنت اديتهمني فلوس

    اشتري للركبه دهان.

    آ..با..ي ما مجلّع قوي يا عبد الرحمان.







    طب ده انا ليّا ستّ سنين

    مزروعة في ظهر الباب

    لم طلّوا علينا أحبة ولا أغراب.

    خليهم..

    ينفعوا

    أعملهم أكفان.!!







    كرمش وشي

    فاكر يامنة وفاكر الوش؟

    إوعى تصدقها الدنيا..

    غش ف غش.!!

    إذا جاك الموت يا وليدي

    موت على طول.

    اللي اتخطفوا فضلوا أحباب

    صاحيين في القلب

    كإن ماحدش غاب.

    واللي ماتوا حتة حتة

    ونشفوا وهم حيين..

    حتى سلامو عليكم مش بتعدي

    من بره الأعتاب







    أول مايجيك الموت .. افتح.

    أو ماينادي عليك .. إجلح.

    إنت الكسبان.

    إوعى تحسبها حساب.!!

    بلا واد .. بلا بت..

    ده زمن يوم مايصدق .. كداب.!!

    سيبها لهم بالحال والمال وانفد

    إوعى تبص وراك.







    الورث تراب

    وحيطان الأيام طين

    وعيالك بيك مش بيك عايشين..!!







    يو.....ه يا رمان..

    مشوار طولان

    واللي يطوِّله يوم عن يومه يا حبيبي .. حمار

    الدوا عاوزاه لوجيعة الركبة

    مش لطوالة العمر.

    إوعى تصدق ألوانها صفر وحمر.







    مش كنت جميلة يا واد؟

    مش كنت وكنت

    وجَدَعَة تخاف مني الرجال ..؟

    لكن فين شفتوني ..؟

    كنتوا عيال.!!







    بناتي رضية ونجية ماتوا وراحوا

    وأنا اللي قعدت.

    طيِّب يا زمان..!!

    إ

    إوعى تعيش يوم واحد بعد عيالك

    إوعى يا عبد الرحمان.







    في الدنيا أوجاع وهموم أشكال والوان.

    الناس مابتعرفهاش.

    أوعرهم لو حتعيش

    بعد عيالك ماتموت.







    ساعتها بس ..

    حاتعرف إيه هوّه الموت.!!







    أول مايجي لك .. نط







    لسه بتحكي لهم بحرى حكاية

    فاطنة وحراجي القط..؟







    آ.. باي ماكنت شقي وعفريت

    من دون كل الولدات.

    كنت مخالف..

    برّاوي..

    وكنت مخبي في عينيك السحراوي

    تمللي حاجات.







    زي الحداية ..

    تخوي ع الحاجة .. وتطير .

    من صغرك بضوافر واعرة .. ومناقير.

    بس ماكنتش كداب.

    وآديني استنيت في الدنيا

    لما شعرك شاب..!!







    قِدِم البيت.

    اتهدت قبله بيوت وبيوت.

    وأصيل هوه..

    مستنيني لما أموت..!!







    حاتيجي العيد الجاي؟

    واذا جيت

    حاتجيني لجاي؟

    وحتشرب مع يامنة الشاي .؟؟







    حاجي ياعمة وجيت..

    لالقيت يامنة ولا البيت ..!!
    avatar
    البرنس
    مشرف منتدى الألعاب وكلمات السر
    مشرف منتدى الألعاب وكلمات السر

    عدد المساهمات : 237

    تاريخ التسجيل : 20/09/2009

    lo رد: الابنودي ... يامنه

    مُساهمة من طرف البرنس في الجمعة يناير 01, 2010 1:44 am

    شكراً ع الموضوع الجميل والكلام الأجمل


    __________________________________
    [ندعوك للتسجيل في المنتدى أو التعريف بنفسك لمعاينة هذه الصورة]
    avatar
    Nana
    مشرفة منتدى النقاش العام
    مشرفة منتدى النقاش العام

    عدد المساهمات : 192

    تاريخ التسجيل : 25/11/2009

    lo رد: الابنودي ... يامنه

    مُساهمة من طرف Nana في الجمعة يناير 01, 2010 1:53 am

    يسلمووو علىى المرور..


    __________________________________
    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]
    avatar
    streets-its-my-game
    مشرف منتدى عالم السيارات
    مشرف منتدى عالم السيارات

    عدد المساهمات : 297

    تاريخ التسجيل : 29/03/2010

    lo رد: الابنودي ... يامنه

    مُساهمة من طرف streets-its-my-game في الثلاثاء أغسطس 17, 2010 9:55 am

    شكرا على الموضوع الجميل والكلام الحلو


    __________________________________
    [ندعوك للتسجيل في المنتدى أو التعريف بنفسك لمعاينة هذه الصورة]

      الوقت/التاريخ الآن هو الخميس ديسمبر 14, 2017 7:53 am