كل واحد يدخل ويكتب موقف صار له مضحك ..محرج ..

يلا انا بكون الاول

مره كنت طالع سوق مشهور بالمدينه اسمه النور من قيمة اسبوعين مع الشباب ونزلت من السياره وحصلت سياره عليها تظليل كاتم وانا فرحت حصلت سياره اضبط فيها الشخصيه وبعد ما ضبطهاوخلصت جاي الف والا احصل شباك السياره ينفتح وفينها بنت وقاعده تضحك من قلبها هذا اليوم انا انحرجت احراج بعمري ما انحرجته بحياتي وقعدت بقية السهره اضحك على نفسي..............

ههههههههه حلوة مبادرتك يا مان
دلوقتي انا بس لا تضحكوا عليا
مرة كنت في المدرسة وماشي ورا واحد وقاعد اكلمه وهو ما يرد وانا اتكلم واخش في مواضيع واخرج من مواضيع واتكلم على هذا وعلى هذا (على بالي انه صاحبي) فجأة ويلتف ويقلي تبغى شيء؟؟ وانا اطول فيه وما اعرف ايش اقوله وتشوف وجهي يقلب الوان تقول الوان الطيف هذا كان اكتر موقف محرج مريت بيه